पोस्टर के बाद सीएम पद से नीतीश कुमार गायब हो गईले, तारकिशोर प्रसाद बिहार के मुख्यमंत्री बन गईले
संवाद
दरअसल, शनिवार के कोइलवर पुल के उद्घाटन समारोह के दौरान बोलत केंद्रीय मंत्री नितिन गडकरी जीभ फिसल गईले अवुरी नीतीश कुमार के जगह उप-सीएम अवुरी भाजपा नेता तरकिशोर प्रसाद के बिहार के मुख्यमंत्री बतवले। वर्चुअल मीटिंग के माध्यम से ए कार्यक्रम से जुड़ल नितिन गडकरी गलती से नीतीश कुमार के नाम ना लेके तरकिशोर प्रसाद के नाम बिहार के मुख्यमंत्री बना लेले। हालांकि एकरा बाद भी उ अपना के सुधार ना कईले अवुरी ना केहु सुधार के मांग कईले।
केंद्रीय मंत्री नितिन गडकरी शनिचर का दिने एनएच-30 के कोइलवर में 266 करोड़ रुपिया के लागत से बनल 3 लेन डाउनस्ट्रीम पुल के उद्घाटन कइलन. ए कार्यक्रम में भाजपा के तमाम नेता भाग लिहले लेकिन बिहार के मुख्यमंत्री नीतीश कुमार ना गईले। हालांकि ए मामला प सफाई देत बिहार सरकार में मंत्री नितिन नवीन कहले कि ए कार्यक्रम में मुख्यमंत्री के अनुपस्थिति सिर्फ उनुकर निजी कारण बा। उनुकर पत्नी के पुण्यतिथि ह, एहसे उ ना आ पवले।
एकरा से पहिले ए कार्यक्रम के लेके भाजपा के ओर से पटना के अलग-अलग हिस्सा में पोस्टर लगावल गईल रहे। एह सरकारी कार्यक्रम के पोस्टर से सीएम नीतीश कुमार गायब हो गईले। हालांकि, जईसे-जईसे विवाद बढ़ल, ओसही पोस्टर में सीएम नीतीश के नाम जोड़ल गईल। पोस्टर से सीएम नीतीश कुमार के नाम गायब होखे प मंत्री नितिन नवीन कहले कि, जदी सीएम नीतीश पहिलही आपन असमर्थता जता चुकल बाड़े, त उनुकर नाम निश्चित रूप से कार्ड में ना होई।
Comments
Post a Comment