खुशखबरी : बिहार में दू हजार नया आंगनबाड़ी केन्द्र खुली, केन्द्र सरकार मंजूरी दे दिहलसि

संवाद

भोजपुरी तक :बिहार में कुपोषण के खिलाफ लड़ाई के तेज करत दु हजार नाया आंगनबाड़ी केंद्र बनावल जाई। समाज कल्याण मंत्री मदन साहनी जानकारी दिहलन कि केन्द्र सरकार से मंजूर दू हजार नया आंगनबाड़ी केन्द्र बनावे के प्रक्रिया प्रक्रिया चलत बा. जल्दिए इ सब ग्रामीण क्षेत्र में खोलल जाई कुपोषित बच्चा अवरू महिला के पोषण स्तर में सुधार आंगनबाड़ी केंद्र के माध्यम से कईल जाई। समाज कल्याण विभाग के सूत्र बतवले कि आंगनबाड़ी केंद्र 400 से 800 के आबादी प बनल बा। जनसंख्या के आधार पर ग्राम पंचायत क्षेत्र में एक या एक से अधिक आंगनबाड़ी केंद्र हो सकेला। आंगनबाड़ी कार्यकर्ता अवुरी सहायक केंद्र चलावेले, जानकारी के मुताबिक समाज कल्याण विभाग केंद्र सरकार के एगो प्रस्ताव भेजले रहे कि राज्य में 20 हजार नाया आंगनबाड़ी केंद्र के स्थापना कईल जाए अवुरी ओकरा मुताबिक केंद्रीय सहायता दिहल जाए, जवना के मंजूरी नईखे मिलल। आंगनबाड़ी केंद्र के संचालन में केंद्र अवुरी राज्य सरकार मिल के आर्थिक सहायता देवेले। ई केंद्र सुदूर ग्रामीण इलाका के वंचित आ गरीब वर्ग तक सरकारी योजना तक पहुंचावे के एगो सशक्त साधन बा। वर्तमान में एकीकृत बाल विकास सेवा निदेशालय (आईसीडीएस) के तहत राज्य में 1 लाख 12 हजार 94 आंगनबाड़ी केंद्र संचालित बा। एहमें से वास्तविकता में अब महज 1.10 लाख आंगनबाड़ी केंद्र कार्यरत बा, राज्य में वर्तमान में संचालित आंगनबाड़ी केंद्र में 99 लाख 23 हजार 915 लाभार्थी बाड़े। एह में 0 से 6 साल के बच्चा, किशोर लईकी अवुरी गर्भवती अवुरी दुध पियावे वाली महिला शामिल बाड़ी। आंगनबाड़ी प्रसवपूर्व आ प्रसवोत्तर स्वास्थ्य, बाल पोषण, स्कूली शिक्षा आ लइकन के टीकाकरण में महत्वपूर्ण भूमिका निभावेली।