तेजस्वी यादव खातिर नीतीश कुमार के गुस्सा में भी आपनपन देखाई देत रहे, विधानसभा के इ वाक्य याद आ गईल ...
संवाद
भोजपुरी तक :बिहार में अब महागठबंधन के सरकार बन गइल बा आ राजनीतिक उथल-पुथल का बादो नीतीश कुमार रिकार्ड आठवाँ बेर बिहार के मुख्यमंत्री बन गइल बाड़न. काल्ह तक तेजस्वी यादव राजग सरकार के सोझा विपक्ष के नेता के भूमिका में रहले, लेकिन अब उ प्रदेश के उपमुख्यमंत्री बन गईल बाड़े। एकरा संगे-संगे कुछ दिन पहिले तक एक दूसरा प हमला करेवाला नीतीश कुमार अवुरी तेजस्वी यादव के रिश्ता के बारे में सवाल पूछल गईल त तेजस्वी यादव दुनो के बीच के मधुर रिश्ता के कुछ वाक्य देले, समझावल चाहत रहले.. .बिहार के डिप्टी सीएम के रूप में शपथ लेला के बाद तेजस्वी यादव दिल्ली खातिर रवाना हो गईले। रक्षाबंधन मनावे के संगे-संगे राजद सुप्रीमो लालू यादव से मंत्रिमंडल के लेके बात कईले। एही बीच तेजस्वी भी मीडिया से बात कईले। जब उनुका से नीतीश कुमार से संबंध के बारे में पूछल गईल त तेजस्वी यादव उनुका के कुछ पुरान वाक्य याद दिअवले।
तेजस्वी यादव कहले कि ओ जमाना में हम नीतीश कुमार प आरोप लगावत रहनी अवुरी उ हमरा के दोषी ठहरावत रहले। लेकिन ओकरा बाद भी एगो सच्चाई बा कि हमनी के समाजवादी विचारधारा के हईं जा आ घर-घर में झगड़ा होला, तेजस्वी कहले कि देश के हालात के देखत उ जवन फैसला लेले बाड़े ओकर हमनी के स्वागत करतानी। समाजवादी लोग के धरोहर आ हमनी के पुरखा लोग जवन देले बा उ हमनी के केहू अउर के नईखी दे सकत। तेजस्वी याद दिअवले कि 2020 में चुनाव के बाद जब विधानसभा में सत्र चलत रहे, तब याद राखत नीतीश कुमार का कहले रहले। एकरा बाद मुख्यमंत्री खड़ा होके कहले- "हमार भाई दोस्त के बेटा निहन बाड़े..."। माने कि ओह घरी भी आत्मीयता आ संबंध रहे। विश्वास आ भरोसा रहे तेजस्वी यादव एगो अउरी वाक्य याद करत कहले कि एक बेर जब हम खड़ा हो गइनी त नीतीश कुमार हमरा से कहले- "बाबू बईठ जा..." ईहो एक तरह के आदेश आ प्यार रहे।उहो रहे। उनुका लगे आपन आशीर्वाद रहे अउरी हमनी के चुपचाप बईठ तक जानी जा। तेजस्वी यादव कहले कि जब देश के बात होखे त एगो होखे के चाही।
Comments
Post a Comment